Pasahero kier a subi avion ku bala pa arma di kandela den su poder

193
E hòmber ku a keda arestá na Hato ku kier a bai Boneiru ku bala den su poder.
Willemstad—- Un pasahero ku tabatin e intenshon pa biaha ku bala ku arma di kandela den su poder a keda arestá na Hato.

 

Tabata den oranan di mainta trempan personal di Hato esta e polisnan na Hato a haña informashon serka e personal ku ta traha na e screening ku nan ta tumando nota di algu straño den ekipahe di man di un biahero ku tabata saliendo rumbo pa Boneiru. E biahero kier a bai Boneiru ku e promé buelo di dia. Durante di e kontròl na Hato a ripara ku tabatin algu straño den un bòter di puiru. Mesora a saka e bòter for di e  maleta di man i a habri esaki unda a bin topa ku un kantidat di bala. Mesora a konfiská e bòter di puiru ku bala aden i tambe a detené e biahero. A pidi asistensia di Polis ku a presentá i a bai warda ku e sospechoso pa mas investigashon.