Presensia di Polisnan  P5 ta bèk den kaya

162
Willemstad—- E tim di polis ku ta karga nòmber P5 ta bèk den kaya unda ta pasa tur kaminda pa kontrolá pa wak si por topa ku kosnan ilegal.

Ta den vários bario e tim di Polis a pasa den oranan di anochi na unda tabata kontrolá aglomerashon di hende. Durante di e kontròl ta un kantidat di persona a keda listra unda a detené un hòmber debí ku e no por a identifiká su mes i a bai warda kuné.

Otro detenshon tabata pa poseshon di droga na unda a bin topa e sospechoso ku mariwana den su poder. Tambe a konfiská un kuchú ku un suidadano tabata move kuné den un vehíkulo debí ku e no por a duna un deklarashon satisfaktorio di e presensia di e kuchú. E kontròlnan aki lo bai kontinuá.