Turista aleman ta esun ku a pèrdè su bida den tráfiko na Banda Bou

162
E kaminda di Banda Bou na altura di Kolonia unda e aksidente lamentabel a tuma lugá.
Willemstad—- E shofùr ku a aksidente den e aksidente lamentabel riba e kaminda di Banda Bou den direkshon di Soto na altura di Kolonia a bin resultá di ta un turista Aleman.

Tabata djaluna 6 di ougùstùs 2018, alrededor di 16.42 or di atardi, Sentral di Polis a haña notifikashon ku na Kolonia tin un aksidente di tráfiko.

Na yegada di e patruya polisial nan a bin topa ku dos vehíkulo ku a aksidenta.

For di investigashon preliminar ku polis a hasi na e sitio, a resultá ku e shofùr di un SUV ku tabata bayendo den direkshon di Soto, pa motibunan deskonosí a kore riba su man kontrali i dal kontra di un outo di famia ku tabata bini den direkshon di Fòntein.

E shofùr, e hòmber víktima ku a fayesé tabata un turista i tabata huntu ku su partner.

Debí na e impakto fuerte e shofùr di e outo di famia a sufri diferente leshon i a fayesé na e sitio di aksidente. Ambulans a transportá e otro 2 víktimanan pa poliklínika pa tratamentu médiko.

E shofùr ku a kousa e aksidente tabata bou di influensia di alkohòl.

En konekshon ku esaki polis a detené e hòmber (shofùr) R.E.H nasé na Hulanda, di 37 aña di edat, komo sospechoso pa kore un vehíkulo bou di influensia di alkohòl i kousa un aksidente.

Despues di a  notifiká famia di e  víktima  via e kanal(nan) legal i ofishal   a duna identidat di e víktima. E víktima ku tabata envolví den e aksidente di tráfiko  a keda identifiká komo:

E hòmber Andre Dieter Hester, nasé na Alemania 18 di òktober 1989.  Polisnan di tráfiko ketu bai ta hasiendo mas investigashon den e aksidente lamentabel.