Back to Top
Responsive image
E korant di pueblo

Gradus: wanta ku gastunan di luho!


April 10, 2020 • 1 minüt pa lesa

Punda—Cft den nan rekomendashon na Hunta di Minister di Reino, RMR, a splika bon kla ku Kòrsou a hasi di mas den petishon miéntras nan no a konsiderá aktua konforme Akuerdo di Kresementu.

Den nan petishon pa finansiá e fondo di emergensha Gobièrnu di Kòrsou a laga traha un estado di likides, simplemente bisá kompletamente sin bèrgwensa. Cft a konkluí ku na promé lugá, a manda un kalkulo di salario públiko di 56 mion florin for di kual tabata inkluí retraso riba pago di penshun, ku no tabata di vital importansha pa súplika sèn pe. E sèn tabata pa paga APC. Vigilante ta konkluí ku ta trata di por lo ménos 15 mion èkstra Kòrsou a pone den nan kálkulonan di gastu riba retraso di penshun. Cft korektamente ta konkluí ku retraso den penshun NO ta prioridat pa paga den momentunan di krísis. Mas aleu ta kalkulá ku gobièrnu a inkluí den su kálkulonan un oumento di kasi 50 mion florin na pago di SVB entre aprel pa mei. Esaki tampoko Cft korektamente no a aseptá debí ku no tin niun klase di kòntròl riba e instituto sosial. Cft ta opiná ku gobièrnu mester a adaptá su gastunan i pone bon prioridat pa lokual ta trata Covid. Cft a kalkulá finalmente pa Aprel un retraso di 63 mion na entrada pa gobièrnu i 42 mion pa sosten den e Fondo di Emergensha. Pa aprel esaki ta un total di 105 mion florin. Pa mei, Cft a kalkulá un retraso den entrada di 51 mion i ta duna mitar luna nan sosten unda dividí 42 mion den 2 pa yega na 21 mion florin. Pa mei esaki ta un total di 72 mion florin. RMR a apliká e konseho siegamente.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.