Back to Top
Responsive image
E korant di pueblo

1100 planchi di mariwana konfiská a wòrdu destruí mesora


May 28, 2020 • 4 minüt pa lesa

Henter e plantashon na kandela.

Willemstad— Mesora despues di a konfiská un kantidat di matanan di mariwana, a laga destruí esakinan riba e tereno na Hato.

Den oranan lat di mainta di djárason 27 di mei 2020 Sentral di Polis a risibí informashon di un tiramentu ku tabatin den Kaya Sobrekama. Mesora unidatnan di entre otro Mantenshon di Òrdu Públiko a bai na e sitio, pero na promé instante no a topa nada partikular.

Kontinuando ku e investigashon, nan a bin topa un plantashon di mariwana riba un di e terenonan den e kaya ei.

Mesora a tene un entrada hudisial i a konfiská:

• 1100 planchi di mariwana den pochi;

• 263 planchi grandi;

• 1 motocross;

• 2 bala skèrpi di arma di kandela.

Tambe a tuma nota ku na e kas ei, e abitantenan tabata hòrta koriente. A pidi presensia di Aqualectra pa remediá e situashon. A konfiská tur loke ku a topa i ku tabata ilegal òf ku tabata importante pa e investigashon. Mesora despues di e konfiskashon di e matanan di mariwana riba órden di un Fiskal di Ministerio Públiko a bai pa destruí e matanan. A bai ku esakinan riba e tereno na Hato unda a basha tur esakinan riba palètnan di palu pa despues a sende nan na kandela.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.