Back to Top
Responsive image
E korant di pueblo

2 aña prizòn pa Titorasz pa poseshon arma kandela


June 29, 2020 • 2 minüt pa lesa

WILLEMSTAD,— Ayera korte a yega na un kondena pa e rèper Rachid ‘Titorasz’ Hato, den un kaso unda e lo tabata den poseshon arma kandela 22 febrüari último, kual tambe a bin dilanti ku lo e la menasá un empresario i kousa destrukshon na su propiedat. Esaki despues ku lo tabatin diskushon entre e empresario, ku ta e víktima den e kaso i e amigu di Hato kende ta Recher Lacroes. Despues ku a pidi pa Hato sinta 3 aña di prizòn, ayera korte a redusí su kastigu pe na 2 aña di prizòn.

E víktima den e kaso a deklará ku Hato lo ta doño di e Glock ku a keda konfiská, kual tambe el a bisa ku el a nota ku ta e Glock na e laser pretu ku e arma tin. A bin konfiská e arma kandela bou di un outo, despues ku lo a haña indikashon ku Hato a yega na e sitio i lo tabata den poseshon arma kandela. Riba e dia en kuestion, esta riba fecha di Parada di Tiner 22 febrüari último.

Tur esaki despues ku amigu di Hato lo tabata den problema ku un empresario na St Helena, unda Hato a bin kai den e problema despues ku esaki lo a eskala pa di 2 biaha. E víktima bisa ku Hato tabatin arma, a kousa destrukshon na su propiedat i tambe lo el a menas’é riba e dia en kuestion. Na momentu ku polisnan a yega na e sitio, a nota ku Hato tabata kana bai for di e sitio i esaki lo tabata probablemente pasó el a mira nan.

Segun e polisnan ku nan lo a nota kon Hato ta tira algu bou di un outo, kual despues e la sigui kana bai. A bai detené Hato, miéntras despues a regresá pa wak kiko a tira bou di e outo, kual a nota ku ta trata aki di un arma kandela di e marka Glock ku lachi largu. Hato for di inisio di e kaso a para ariba ku e no tabatin arma kandela den su poseshon i ku tampoko e no tabatin arma kandela den su poseshon. Ministerio Públiko a bisa ku nan lo kere e 3 polisnan i tambe e víktima nan ku a deklará den e kaso ku nan a mira Hato ku un arma.

Esaki a buta ku a pidi 3 aña prizòn pa e rèper Titorasz, unda ayera wes a tuma desishon den su kaso. Hato a keda deklará liber di menasa kontra e empresario pero si a haña probá ku e tabatin arma den su poder, unda a konden’é na 30 luna di kual 6 ta kondishonal.

Login
Bo a pèrdè bo password? Porfabor hinka bo username òf email address. Nos lo manda bo un link via email kaminda bo por kambia bo password.