KFO i pueblo a demostrá malkontentu pa rumbo ku kier hiba pueblo

A prueba firmanan di Koeiman, Gijsbertha i Plet

574
PUNDA,– Kòrsou Fuerte i Outónomo a organisá i tene un manifestashon públiko ayera 12 di yanüari kual sigur a resultá unu eksitoso. E manifestashon aki tabata pa ekspresá e mal kontentu di KFO di pueblo di Kòrsou pa ku e rumbo ku su gobièrnu, ku a kaba di sinta, i su parlamentarionan ku ta sostené esaki, i e parlamentarionan di Hulanda i di e otro partinan di reino Hulandes ke kue pa ku Outonomia di Kòrsou.

E struktura legal di “koningskrijkwetten” ta uni nos na un sistema ku severamente ta limitá nos demokrasia. E limitashon ta dje severo ei ku e representantenan skohe pa pueblo pa representá nan den parlamento no tin e poder pa hasi esaki. Bou di e leinan di konsenso aki, e institushonnan no demokrátiko tin e ultimo poder, un institushon ku no por ser kontrolá pa pueblo atraves di elekshonnan liber.Hopi hende tabata presente ayera den Otrobanda pa a marcha den e marcha di Brion Plein bai Rennacaince kaminda tabata e ultimo reunion di IPKO.

Parlamentarionan di Aruba, Sint Maarten i tamne Hulanda a mira e marcha i a tuma nota ku e intenshonnan pa un referedem nobo i limpi ta hopi serio di parti di esnan di Kòrsou Fuerte Outonomo.E loke tambe sigur a hala atenshon ta e pankarta ku a ser traha kaminda por tuma nota ku promé minister Hensley Koeiman, minister di finansa Kenneth Gijsbertha i parlamentario Yael Plet tur a firma pa un referèndem.