Mester atendé e asuntu di penshun pa esnan ku bai studia

Marilyn Alcalá-Wallé: 

523
PUNDA,– Relashoná ku e reunionnan di IPKO ku a tuma lugá na Kòrsou, entre Korsou, Aruba i Sint Maarten, parlamentario Marilyn Alcalá-Walle a bisa ku   tabatin diferente tópiko ku ku keda tratá.

Nos a duna atenshon na entre otro e situashon di Venezuela, su impakto riba nos poblashon, ekonomia, seguridat etc.
A interkambiá riba kastigunan mínimo ora di delito i kambionan deseá den esaki.
Mirando e karakter insular i e nesesidat pa e pueblonan keda konektá ku otro sea ta pa trabou, lasonan familiar o vakashon, ta importante pa tin konekshon aéreo i/o marítimo. Alcalaá-Walle a bisa ku a elaborá un biaha mas riba e fast ferry, pero tambe riba e aeroliña eksistente i e posibel futuro i e responsabilidat kompartí den esaki.
E parlamentario a sigui splika ku tambe a para ketu na AOV di esnan ku sali bai studia i ta pèrdè riba nan penshun ku nan ta ouw op’.

E señora Parlamentario a sigui splika ku tambe tin un punto di atenshon aki, ora ta trata di hendenan ku a traha nan penshun na Korsou i awor ku nan a bai biba na un di e otro islanan tin dedukshonnan inhustu ku mester koregí.
El a splika ku komo antesala di IPKO a trata tambe e punto ku e paisnan den Reino Hulandes mester tin un kaminda legal pa kana ora nan no ta di akuerdo ku Hulanda riba sierto asuntunan: mester di un tribuna imparsial kaminda e paisnan por akudí pa pone nan kehonan. E parlamentario a bisa ku na e momento aki e paisnan den Karibe tin un konsepto riba mesa, pero Hulanda tambe tin su mes konsepto. Un tipo di impase ku por resolvé si tur hende usa sabiduria.
A elaborá tambe riba oportunidatnan pa hasi negoshi huntu den Interinsular i e restrikshonnan ku mester suavisá.E parlamentario a bisa di a keda satisfecho i masha kontentu tambe ku e desaroyo di e Hospital Nobo kaminda nan a haña pa mira un presentashon di Powerpoint demostrando ku ta trata aki di un hospital di nivel haltu.

Por ultimo ayera tabatin e bishita na tereno di MAL pa kual resientemente a kambia algu kos di manera ku e tereno parti Ost di Kòrsou pronto lo por keda desaroyá den un área turístiko.Alcala Walle a keda kontentu ku e kosnan a desaroyá den IPKO 2016 i a bisa ku den e próksimo IPKO diferente desishon lo mester keda tuma.