Mi no ta kibra ku MAN si mi kibra mi no ta bai ku stul

Gassan Danawi:

3471
PUNDA,– Tur hende por a sigui e deklarashonnan di Gassan Danawi e siman aki, kaminda por bisa ku Gassan a basha abou riba diferente kos ku a pasa den e partido blou promé i despues di elekshon 2016.

Hasta e parlamentario a bisa ku kisas ta debí ku e no tabata di akuerdo ku e asuntu di 5.6 mion pa e skol di polis di Camelia, ku nan lo a rabia kuné i keda sin nombr’é presidente di parlamento, lokual na promé instante tabata e plan.

Danawi a splika ku e lo no kibra ku su partrido i ku si dado kaso esaki mester ta e kaso mes, e lo no bai ku asiento di su partido. Pero naturalmente esakinan ta por ver, paso ta ora kos pasa bo ta sa ken ta ken.Partido MAN mester tene kuenta ku hopi partido ku a pasa den e mesun suerte ku nan ta pasando aden na e momentunan aki awe no tei mas. Problema interno den un partido hopi biaha ta trese kiebro i desaparishon di e partido. Serka MAN esaki lo no ta fásil, komo ku ta un partido di hopi trayekto i ku hendenan fuerte su tras ainda.Hopi votadó di MAN mes ta bisa ku kon por ta posibel ku e Partido tur tempu a boga pa emansipashon di nos pueblo i outonomia total di Kòrsou, rumbo pa independensia, awe ta papia asuntu di un Kòrsou den Reino Hulandes na 2040.