Promé minister i minister di hustisia a yama hefe di VDC i abogado Braam pa sinta na mesa

Huisio sumario di awe mainta ta keda posponé

1104
Punda—  Abogado Berti Braam i su kliente Micheal Römer   a wanta ku e huisio sumario ku nan kier a entamá awe mainta 8 or kontra di Prome Minister i Minister di Hustisia.

Tabata  den luna di Òktober aña pasa ku a sali den publisidat ku hefe di Veligheidsdienst Curaçao(VDC) Micheal Römer  ta keda sospecha di menasa  un dama ku arma di kandela.  Segun informashon  ku a sali aparentemente e  hefe di VDC lo mester tabatin un relashon amoroso  ku e dama ku tabata hefe interino di  MOT (Meldpunt Ongebruikelijke Transacties ). Despues ku  e dama a opta pa terminá e relashon  , Römer  no kier a akseptá esaki  di kual e lo mester a menasa e dama ku su arma.  Segun e informashon mes ora e dama a bai a bai polis  . E dama pa miedu  no a hasi un denunsia kontra di e hefe i a preferá di sali for di pais. E  dama via di su abogado a ninga esaki redondamente .  Minister di Hustisia  Navarrolo a suspend’é Römer pa asina Ministerio Públiko kaba di hasi investigashon. Römer  a wòrdu remplasá pa  Aloysius  Pole. OM a disidí 11 di òktober 2016, pa duna Landsrecherche e enkargo pa inisiá un investigashon di hechos (feitenonderzoek). Meta di e investigashon di hechos tabata pa haña sa kiko bèrdat a pasa i pa identifiká si tin sospecho di un hecho kastigabel. Ministerio Públiko a enfatisá ku no aki no tin kuestion di un investigashon di rastreo penal (strafrechterlijk opsporingsonderzoek).  Nan a bisa ku no a identifiká niun hende komo sospechoso i ku a skucha sospechosonan , no tabata bèrdat. Despues di investigashon Ministerio Públiko ta bisa di no a haña nada prueba. Esaki a pone ku  Römer via di su abogado mr Berti Braam  a disidí di bai entamá un huisio sumario kontra eks promé minister Hensley Koeiman  i minister di Hustisia Kid Marina ku a heredá  e kaso for di eks ministernan  Ben Whiteman i Nelson Navarro mirando ku nada no a keda hasi  despues di e investigashon di OM. Römer ainda ta riba nonaktivo. E kaso mester a tuma lugá awe mainta pero ta keda posponé pa motibu ku e ministernan a yama tantu abogado Braam komo su kliente pa sinta na mesa i  yega na un akuerdo.