Jaime Cordoba ta ninga ku PS ta for di kolaishon

381
PUNDA,– Lider di partido Pueblo Soberano a ninga ayera ku su partido lo ta for di koalishon. Sedgun Cordoba e tambe a tende di tur e rumornan, pero ku personalmente e mes no sa nada di esaki.

Segun e minister ayera mes nana  sinta huntu komo partidonan di koalishon huntu ku señora Omayra Leeflang pa regla e ampliashon di e aktual gobièrnu. El a splika ku a papia riba diferente punto ku lo mester regla i ku e reunion aki lo mester sigui den e dianan aki, mirando ku kada lider tabatin otro kompromiso pa kumpli kuné.

Cordoba a bisa ku te ainda su partido ta forma parti di gabinete Koeiman i na momentu ku esaki lo no ta e kaso, e mes lo sali i partisipá esaki.

E lider di Pueblo Soberano a bisa ayera ku su partido ta keda riba e puntonan ku no ta mishi ku enseñansa liber i tampoko ku estudio den regio.

E minister a bisa tambe ku el a puntra promé minister Koeiman ku si nan kier pa e sali solamente mester bisé i e ta sali, pero ku Koeiman a bisa ku apsolutamente no i ku nada di e kosnan ei no ta bèrdat.

“Dia mi sali lo mi Sali ku mi kara na laira i sin niun problema i sin rabiamentu”, asina Cordoba a splika ayera.