Stashonnan di yena gas ta operashonal

1881
Willemstad– Despues ku ayera Curoil a informá ku e stashonnan di yena gas na Muizenberg i Sta. Rosa ta será, Curoil tin e plaser di anunsiá ku djarason 15 di febrüari pa mas o menos 8.30 di mainta, e stashonnan di yena gas na Muizenberg, Sta. Rosa i Tera Cora ta operashonal pa sigui duna servisio na komunidat.

Den oranan di ayera tardi Curgas a kuminsá risibí gas (LPG) riba un fluho normal ku a hasi posibel ku djarason tantu e stashonnan di yena gas komo rebendedó di 20lbs, lo por kumpli debidamente ku e demanda na komunidat. Suministro i distribushon na klientenan doméstiko di 100lbs i klientenan komersial ta sigui normal.

Gerensia di Curoil ta gradisí su klientenan pa e komprenshon risibí.•