1 punto pa MVV Maastricht i Martinanan

317
HULANDA—E rumannan ohochi Shermaine i Shermar Martina, huntu ku nan ekipo MVV Maastricht, a logra regresá kas ku 1 punto ayera.

Esaki den wega ku tabata bálido pa e segundo divishon di futbòl hulandes, Jupiler League, ora ku nan a enfrentá e ekipo di Jong Ajax.

Shermar Martina tabata na banki i no a logra pa mira akshon.

Tabata wega ku a mira akshon den stadion Sportpark De Toekomst, kual a finalisá empatá na 1 gol pa banda, despues ku e ekipo di e rumannan Martina tabata den desbentaha mínimo na sosiegu.

Shermaine a inisiá komo parti di e ekipo básiko i a hunga te na minüt 82, na momentu ku el a wòrdu remplasá, miéntras ku su ruman Shermar tabata na banki komo suplente, pero no a logra pa mira akshon den e wega aki.•