Redada kontra migrantenan di Estádos Unídos ta laga 680 detenshon

Mehikanonan ta ekspresá nan miedu

664
WASHINGTON – Un total di 680 persona a keda detené siman pasá den diferente redada nan kontra inmigrantenan ku ta biba di manera ilegal na Estádos Unídos.

E sifra ta un hopi inferior na esun di e operashonnan similar, realisá durante e gobièrnu di Barack Obama. Aunke ku White House a aseptá e detenshonnan aki komo nan responsabilidat, HSD a sigurá ku esaki nan ta di rutina. E Servisio di Kontrol di Inmigrashon i tambe Duana nan di Estádos Unídos a enfoká nan mes riba inmigrantenan ku ta representá un menasa pa seguridat públiko. Entre nan tin delinkuente nan ku tabata detené i miembro nan di gèng.

A afirmá ademas ku 75 porshento di esnan detené tabata personanan impliká den un òf otro tipo di delitu i algun inkluso a keda sentensiá pa homisidio i agreshon seksual grave. E kaso aki últimamente ta hopi den notisia, tumando na kuenta ku mehikano nan a mustra nan miedu pa ku lei i akshonnan ku ta tumando na e pais spesífikamente kontra nan. Tur esaki nan paresidamente bou di òrdu di e presidente estadounidense nobo.•