Mi famia tabata menasá i intimidá

Giselle Mc William

363

Punda– Ayera (èks) presidente di Parlamento Giselle Thijssen Mc William durante su rueda di prensa, no tabatin muchu bon palabra pa miembronan di oposishon, prinsipalmente Norbert Ribeiro di Kòrsou di nos Tur.

E presidente di parlamento a habri su rueda di prensa ayera yamando danki na pueblo di Kòrsou pe oportunidat ku e por tabatin pa sirbi e pais komo presidente di parlamento. Alabes riba mesun liña pa promé biaha el a konfirmá na pueblo ku tantu su persona komo su famia tabata konstantemente bou di menasa di intimidashon.

Thijssen Mc William a sali tambe fuerte riba e posishon asumí pa parlamentario Norberto Ribeiro despues ku esaki a supliká na Mc William pa ordená e griffier di kita deklarashonnan di dos Santos, kende a papia pafò di su orden.

Mc William a bisa ku e petishon di Ribeiro a kue di sorpresa pasobra e mes, komo hende muhé, nunka lo no bèk riba su palabra. Mc William a bisa kon por ta posibel ku bo por tabata agitá e pueblo den e instituto di parlamento i awor bo ke kita lokual a keda papiá. E

Presidente a sita bon kla ku ora su persona bisa un palabra e ta keda para su tras! E parti mas importante ku Mc William a splika ayera, tabata na momento el a bisa ku no tin nada tras di su desishon pa posponé e reunionnan di parlamento e siman aki. Segun Mc William el a hasi esei solamente pa trese trankilidat despues di tantu turbulensha i intrankilidat.