Siklo di Charla Bida Promé ku Isla

NAAM ta presentá

553
Den kuadro di su proyekto Isla den Nos Bida NAAM ta organisá dos charla ku lo pone atenshon na historia i na e manera ku museonan na Kòrsou ta presentá nos historia.

Djamars 7 mart, 7.30 P.M. Charla
Dyonna Benett: Isla den Nos Bida ‘In de spiegel van een natie.’

Een onderzoek naar de representatie van identiteit in Curaçaose musea en de tentoonstelling Isla den Nos Bida.  Dyonna Benet a kore stazje na NAAM i a kaba su estudio na Hulanda den maneho di herensia kultural i museo. Pa su Tesina el a studia kon museonan na Kòrsou ta konta historia di diferente perspektiva, esun blanku oropeo òf esun pretu di afro desendiente. Den kuadro di forma nos nashon, ta importante pa ta konsiente di esakinan.  Idioma lo ta prinsipalmente na Hulandes

Djaweps 9 mart, 7.30 P.M. Charla interaktivo
Rose Mary Allen i Max Scriwanek: Bida promé ku Isla.  

Belkis Osepa di TeleCuracao lo papia ku antropólogo Rose Mary Allen i direktor di Archivo Nashonal Max Scriwanek tokante bida i ekonomia na Kòrsou promé ku 1915, promé ku Isla a bini.

Rose Mary Allen a studia bida di pueblo na Kòrsou despues di abolishon di sklabitut. Su tésis, Di Ki Manera, ta trata desaroyo di nos pueblo entre 1863 i 1917, e periodo entre abolishon di sklabitut i binimentu di refineria Isla.
Max Scriwanek a publiká diferente buki di historia di Kòrsou, entre nan, De Momoncyclus: 175 jaar Maduro Entrepeneurs op Curaçao, tokante tres generashon di famia Maduro, ku tabata empresarionan grandi promé i despues ku Isla bini.
Belkis Osepa lo interkambiá ku Allen i Scriwanek tambe ku públiko pa haña un mihó bista di Kòrsou i Bida Promé ku Isla.

Idioma na Papiamentu
Entrada: 5,00 pa charla
Sitio: NAAM. Johan van Walbeeckplein 13 na Pietermaai.

Nota pa redakshon:
pa mas informashon por tuma kontakto ku Marlon Reina 5125054 of Lida Pandt 6906661