Kada un kas patras di e snèk tin kámara kual por yuda resolvé e kaso

E hanchi for di kual e dos tiponan ku kara habri a kore sali i basha bala.

30177
A bai Fortuna Ariba djis despues di e tiroteo pa wak si por hana e vehikulo usa den e likidashon.
Willemstad—- Vigilante a hiba kombersashon ku habitantenan di e bario di Coronet i Monte Verde kual a splika ku si polis kier resolvé e kaso aki nan mester sali for di ofisina i hasi investigashon.

Mesora despues di a tende e pensamentu aki Vigilante a hasi e pregunta kiko kier a bisa ku Polis mester sali for di kantor i kuminsá investigá. A bin resultá ku e habitantenan kier a splika ku kaso tur kas ku a ser konstruí últimamente den e bario di Coronet i tambe Monte Verde ta ekipá ku kámaranan di vigilansha. Esta si kier wak esnan ku a kometé e delito grave i tristu aki mester sali for di ofisina i kana den e bario ya ku tras di e snek ta un hanchi tin ku ta pasa den e bario di Coronet i ta fásilmente pa konfiská grabashonnan ku a graba tur esnan ku a pasa sea na pia òf den kualke vehíkulo. Pero pa haña esaki mester sali for di ofisina i hasi investigashon i no sinta warda riba tep òf kualke informashon via di e liña 108 segun e habitante a sigui splika.