PUNDA,– Refineria Isla ta informá ku durante e proseso di start up di Cat Cracker despues di un parada programá ayera, nan a eksperensia pèrdida di katalist mas ku normal a traves di e skorsten. Esaki a kousa molèster den diferente bario pabou di refineria.

Refineria Isla ta pidi su diskulpa sinsero na tur hende ku di un òf otro manera a hañ’é ku katalest na su kas òf negoshi.

Matanan tambe parti pabou a keda tur na katalest.

Entre tantu Isla a informá instanshanan konserní i tambe a tuma e akshonnan korespondiente pa remediá e situashon.

Katalist ta un puiru fini ku Cat Cracker ta usa pa aselerá e proseso pa produsí gasolin.

Si un persona bini den kontakto ku katalest durante un periodo kòrtiku esaki por kousa iritashon temporal di wowo i kútis. Ta konosí ku ta solamente den kaso ku un persona keda eksponé na katalist pa un temporada hopi largu e por hasi daño na su salu. Por limpia e katalist dor di spùit’é ku awa.

Markanan di tayer riba flur ku tabata tapa ku katalest.