Bewaker ku a hinka hòmber na supermarket detené

464
Willemstad—- Polis mester a bai na Esperamos Supermarket pa un kaso di hinkamentu.

Ayera den oranan di atardi a pidi presensia di Polis na Esperamos Supermarket pa un kaso di hinkamentu. Un bewaker ku ta traha na e supermarket ya pa un par di dia tin algun hóben na bista ku ta bini riba baiskel drenta den e establesimentu i hòrta basta artíkulonan bai kuné. Ayera tambe tabata e kaso ora ku e grupo di hóbennan aki riba baiskel mester a presentá na e Supermarket. Ora ku e grupo aki tabata bai bandoná e supermarket e bewaker a bai atendé ku nan unda un di nan mester a saka un opheto skerpi pa e bewaker. Den e forsageo e bewaker a logra di kita e sambèchi ku kual e la proponé un di e hóbennan un hinka. Tabata den un vehíkulo partikular a bai Poli ku e víktima miéntras polis ku a ser yama ku a presentá na e Supermarket a detené  e bewaker pa e kaso di maltrato. Tambe a bai warda kue  otro hóbennan ku tabata huntu ku e víktima pa asina por a kontinuá ku e investigashon.