Chèns grandi ku Chelo Pisas lo ta bèk den futbòl di Boneiru

909
Chelo Pisas (22) kombersando ku e gran Eloy Room(1)
WILLEMSTAD – Manera ta konosí, for di temporada pasá e kiper yu di Kòrsou i eks miembro di nos selekshon di futbòl nashonal, Marcello Chelo Pisas, a mira akshon na Boneiru ku e ekipo di Uruguay di e bario di (Antriòl).

Parse ku un ekipo di Boneiru lo a bolbe aserka Chelo i ku tur probabilidat e lo reforsá e ekipo aki den e parti final di e kampionato di futbòl boneriano. Ya Chelo a kuminsá ku su preparashonnan físiko i pa por djòin e ekipo den bon kondishon i yuda esaki den e parti final di e temporada di futbòl na Boneiru.

E ekipo di Uruguay a logra e título máksimo di Boneiru na un okashon i esaki ta data for di aña 1983.