Hillard Cijntje ta gana Le Tour de Schottegat

881
Hillard Cijntje ta krusa e meta final di Le Tour de Schottegat.

WILLEMSTAD – Durante fin di siman tabatin e famoso kareda di baiskel ku ta karga e nòmber ‘Le Tour de Schottegat’. E kareda tabata repartí den tres diferente kompetensia, kual a konsiti di e kareda kontra oloshi, un parti di sirkuito i di distansia largu.

Tabata e siklista Hillard Cijntje di e ekipo ‘Pedal Pushers’ ku a dominá den e kategoria Elite riba e distansia largu, siguí pa Gijs Hendriks di e ekipo Bellisima den e kategoria 17-18 Jr i na di tres lugá a keda e hóben Jair Kelly di Aruba di e ekipo APCT,  koriendo den e kategoria17-18 Jr. E di kuater i sinku puesto a bai pa e siklistanan Kianny Noel (ASM) i Xavi Brooks (Double Trouble) di Sint Maarten respektivamente.

Un kantidat grandi di siklista a partisipá na ‘Le Tour de Schottegat’.

Den kategoria masters e ganador tabata Laurens Keesen (BE). Den kategoria dama e ganadó a resulta Lisa Grootheusheidkamp. Den kategoria djuniòr 15 pa 16 aña e ganadó a resultá Largo Vogels (BE). Den kategoria prinsipiante e ganadó a resultá Luis Vargas (GNRT).

Den kategoria djuniòr dama 15 pa 18 aña dama e ganadó a resulta Mary-Leen Candelaria. Den kategoria djuniòr te ku 14 aña e premio máksimo a bai pa Deanthony Niles di Anguilla i por último, den e kategoria 12 pa 13 aña, e ganadó apsoluto a resultá e hóben siklista Seven Romney di Sin Maarten.