Tur kuater víktima asesiná na Berg Altena tabata por nada

Polisnan ta riba un bon pista

38382
Einan tambe a hasi uso un biaha mas di arma outomátiko.
Willemstad— Ya den e kaso di Berg Altena tin dos hòmber detené komo posibel sospechoso den e kaso lamentabel unda a logra di likidá kuater persona na e mesun instante.

Polisnan ta kompilando basta informashon na unda ta biniendo padilanti ku tur kuater persona ku a keda asesiná e djasabra dilanti di e snek na Berg Altena a bin pèrdè nan bida pòrnada. Ta asina ku esnan envolví den e kaso di e asesinato na grupo mester  a pasa i a tuma nota di un hòmber rasta para ku lomba i a kere na e promé instante ku ta trata netamente e víktima Shanelo Martina ku tabata ser buska pa wòrdu asesiná. Shanelo Martina ta netamente e hòmber rasta ku a keda asesiná djadumingu último den Mirla Plateweg.  Sin buska muchu drechi e dos hòmbernan a lora bek i a drenta den e hanchi mas pariba di e snek na unda a baha for di e vehíkulo i harma ku Glock ku lachi largu a bai den direkshon di e víktimanan ku tabata para na e snek i sin buska drechi a basha bala heridando tur e kuater hòmbernan ku tabata na e sitio pa despues a kore bai drenta un vehíkulo i a hui bai for di e sitio. Tabata despues ku e kuater víktimanan a keda identifiká esnan ku a hasi nan mes kulpabel na e kaso di asesinato a bin tuma nota ku ta hende inosente a keda likidá. A mira e hòmber rasta di Fuik netamente pa e víktima Martina ku a keda likidá últimamente. E tim di reshèrshi ku ta disponé di e informashon aki mesora a kuminsá hasi nan investigashon i ya tin dos detenshon den e kaso aki i ta asta sigur ken ta esnan ku a hasi nan mes kulpabel na e kaso lamentabel aki.

Polis ketu bai investigando

Investigashon ta mustra ku asesino di Berg Altena tabata envolví den otro asesinato anterior

E tim investigativo no falta masha pa asina resolvé e kaso di e kuater asesinato  ku a tuma lugá dilanti di e snek na Berg Altena.Den e investigashon kuater likidashon na Berg Altena  ku a ser forma ta konsistí di solamente yunan di Kòrsou ta demonstrando ku nan mes por hasi nan investigashon ounke ku nan no ta disponé di materialnan sofistifika tal manera RST tin pero ounke esaki ta trese fruta padilanti. E investigashon ta kanando den un sekresia enorme i sigur ta kanando den un bon direkshon kaminda asta tin dos sospechoso den e kaso aki detené pa mas investigashon.

For di e investigashon realisá ta mustra ku sigur un di e sospechosonan ku a baha ku arma den man i basha bala riba e kuater hòmbernan para na e snek na Berg Altena  den pasado a yega di hasi su mes kulpabel kaba na kaso di asesinato na unda tambe e tempu ei mas ku un persona a bin pèrdè su bida riba e mesun dia. Polisnan ku ta disponé di e informashon aki ketu bai ta kondusiendo e investigashon pa den un tempu mas kòrtiku ku hopi hende ta spera logra di resolvé e kaso horendo ku a tuma lugá na Berg Altena. Den e kaso aki sigur testigunan i otro métodonan a yuda pa haña mas klaridat den e kaso aki pero ketu bai polis ta sigui pidi yudansa na esnan ku por a tende mas kos di e kaso di e kuater mortonan pa tuma kontakto ku nan mesora na e number 108.