NO MAS!

1964 pa 2017: 53 aña Kòrsou a guli fluoride tur dia

982
Aqualectra lo monitoriá esaki i lo informá na momento ku e nivel di flouride den awa ta nihil.
OTRABANDA—Kòrsou tei stòp di guli fluoride. Esaki despues di 53 aña. Aqualectra entrante ayera promé di ougùstùs 2017,  pa 8’or di mainta, a para e pòmp ku tabata añadí fluoride na nos awa di bebe. Esaki a tuma lugá simultáneamente tantu na e planta na Mundu Nobo, komo esun na RO. Sta. Barbara. Pues tur 2 planta kaminda ku Aqualectra ta produsí awa di bebe.

E akshon históriko aki, a keda ehekutá despues ku Aqualectra for di 13 mei 1964 tabata inkluí Flouride den e awa di bebe, promé ku e awa drenta e ret di distribushon. Basá  riba un karta di Gobièrnu, 20 di aprel 2017,  kaminda ku ta pidi Aqualectra pa para e inklushon di Flouride den awa, konseho hurídiko ku Aqualectra a haña, ta informá Minister pa si e no tin opheshon, pa entrante ayera promé di ougùstùs 2017 lo a stòp ku e inklushon di Flouride den awa di bebe na Kòrsou.

E awa ku tin den e tuberia ainda lo tin algu di fluoride, pero poko poko e konsentrashon lo bai baha. Segun kalkulashon lo por dura un mas o ménos un siman i mei mas promé ku e awa ta kompletamente liber di fluoride.