Pelea entre damanan ta kaba ku 4 detenshon

Ayera bou di viadukto den Otrabanda

532
WILLEMSTAD—4 diferente sospechoso a keda detené, despues ku tabatin un pelea formal bou di viadukto na Otrabanda. Esaki unda primeramente personanan femenino tabata enbolbí, unda tabatin un konfrontashon di dos kontra un.

Den esaki tambe tabatin un di 4 persona, esaki di sekso maskulino, ku e mete den e problemátiko. Partidonan no kier a tende na yegada di polis i durante di e intento pa intermediá, unda a detené tur 4 persona i transportá nan pa warda, unda a kontinuá ku e investigashon den e kaso, pa asina trata na saka afó, kiko presisamente a tuma lugá.