Kònteiner den kura di kas na kandela

1243
Willemstad— Tabata den oranan di mardugá Polis i tambe pagadónan di kandela mester a bai den e bario di Kura Piedra pa un kandela.

Un kònteiner den un kura di kas den e bario di Kura Piedra pa ta mas eksakto Diamantweg na dado momento a kuminsá saka huma i kandela. Mesora a pidi presensia di pagadónan di kandela ku a yega i dominá e kandela pa evitá ku esaki por a ekspandé i pasa bai na e kas. A sigui mesora ku e investigashon pa trata di saka afó kiko por a kousa e kandela den e kònteiner.