Willemstad— Ayera den oranan di mainta outoridatnan a konfiská otro vehíkulo luhoso ku ta pertenesé na e chines di 36 aña ku ta detené den e kaso di Avior pa labamentu di plaka.

Tabata den oranan di mainta ku outoridatnan a haña e informashon ku un vehíkulo  mas ku ta pertenesé na e sospechoso chines ku ta detené den e kaso di Avior pa labamentu di plaka, lo mester ta den un garashi na Roi Santoe. Mesora a bai na e sitio unda a konfiská e vehíkulo i a bai warda esaki pendiente e investigashon ku tin di sigui. Miéntras ayera mes den oranan di dia e sospechoso W.C. di 36 aña a keda presentá dilanti wes komisario. Wes komisario a husga su detenshon i a konfirmá ku tur kos tabata na òrdu. Seguidamente Fiskal di Ministerio Públiko a ordená su enkarselashon ku 8 dia pendiente mas investigashon.