Zwarte Piet ku a bringa despues di aksidente arestá

31886
Willemstad— Polis mester a bai ku urgensia pa Winston Churchillweg pa un aksidente ku a bin terminá den un bringamentu.

Ayera den oranan di mèrdia Polis a keda dirigí pa e krusada Winston Churchillweg i Hispanolaweg pa un aksidente ku a bin kulminá den un bringamentu. Tabata pa falta di preferensia kua  surgi un aksidente ku dos persona ku a sufri leshon. Despues di e aksidente a surgi un interkambio di palabra ken tin falta kual a bin kulminá den un bringamentu. Polis ku a logra di yega rápidamente na e sitio a detené dos sospechoso di kual un di nan tabata bisti na Zwarte Piet. A bai warda ku nan unda e investigashon lo kontinuá.