Mama no por a kontené su mes mirando nan mata su yu

A pasa e grabashon den sala di korte....

42424
Mama di e víktima Jurick Hooi ta pasando den tempunan difísil despues di pèrdida di su yu.
WILLEMSTAD,– A trata e kaso di ‘The Alley’ ayera unda por a mira kla kon e hòmber Martina di 26 aña mester a los tirunan mortal den e sentro nokturno.

Ta trata aki di e kaso ku a tuma lugá 3 di sèptèmber 2016, unda Jurick Hooi i tambe Karoushaney Merien Martina mester a pèrdè nan bida. Ayera durante tratamentu di e kaso primeramente a pidi pa tur ku no por kontené nan mes durante e grabashon pa bandoná e sala, mirando ku esakinan por trese hopi tristesa.

Mama di e víktima Hooi a keda den e sala, unda a pasa e imágennan, unda el a mira ku a  tira su yu. Na e okashon aki e mama di e víktima mester a kuminsá sinti su kurpa malu, despues ku el a mira ku Martina mester a tira su yu na momentu ku ya e tabata drumi abou i a risibí perforashon di bala.

Mester a bai pafó ku e mama di e víktima Hooi, pa asina por a sigui ku e kaso. Mama di e víktima Karoushaney, a bandoná sala for di ora a puntra si tin hende ku kier bandoná sala, mirando ku e no por a mira e imágennan, kon su yu ta muri inosentemente.