“Mi ta rekuperando mi kondishon bèk”

Rowendy Sumter:

250
Kiper Rowendy Sumter pendiente di e hugada.
WILLEMSTAD—Fanatikonan di e ekipo supkampion di futbòl lokal, durante di e último dos temporadanan, Scherpenheuvel, por ta trankil. Esaki despues ku nan kiper estelar Rowendy Sumter tabata poko leshoná i e suplente a keda ekspulsá resientemente.

Esaki a pone ku tabatin poko preokupashon, ku ken lo bai hunga den gol. Deporte Vigilante a logra papia ku Rowendy Sumter mes, kende a konfirmá su regreso i presensia. E kiper di nos selekshon nashonal, kende tambe ta un di e kampionnan di Kopa di Karibe 2017, a splika di a train bèk i tur kos ta bayendo bon.

“Ta bai sigur satisfaktoriamente mihó. Mi a kore i a hasi tur kos sin problema, despues di tabata mas ku un luna for di akshon. Dimes un poko for di kondishon, pero mi sa kon pa yega na esaki den transkurso di dianan, pa ta den akshon. Lo mi buska e ‘shape’ den próksimo wega, pero pa sobra di temporada, mi ta kere di ta kla”, kiper konosí tambe komo ‘Van der Sum’, a deklará.