Gevaro Nepomuceno i Oldham Athletic no a logra punto

Nan mester a konformá ku derota mínimo

296
Gevaro Nepomuceno.
INGLATERA—E ekipo di Gevaro Nepomuceno, Oldham Athletic no a logra punto den wega ku nan a hunga djasabra último den futbòl  ingles.

Tabata enkuentro bálido pa League 1, ora ku Oldham Athletic a enfrentá e ekipo Charlton Athletic. E wega a finalisá ku skor di mínimo, unda Charlton Athletic, hungando na kas a logra e 3 puntonan, despues di tabata den bentaha for di den e parti inisial di e enkuentro. Gevaro Nepomuceno, kende ta parti di nos selekshon nashonal di futbòl a hunga kompletu, den wega ku el a risibí un karchi hel na di 73 minüt di partido, ku a hunga dilanti di 9.972 fanátiko den stadion The Valley.