Fin di luna na Trinidad & Tobago

Ricangel de Leca lo dirigí den ‘2018 Caribbean Club Championship’

138
Refri Ricangel 'Riky' de Leca.
ARUBA—E rèfri yu di tera, kende ta establesé na, i riba lista di FIFA pa Aruba, Ricangel ‘Riky’ de Leca lo dirigí próksimamente na Trinidad & Tobago. Esaki durante di e periodo di 31 yanüari te ku 4 febrüari próksimo, den weganan bálido pa Grupo A di ‘2018 Caribbean Club Championship’, ku ta e kompetensia entre ekiponan kampion di paisnan den Karibe.

De Leca lo ta un di e 5 rèfrinan ku lo dirigí, den e weganan unda e 4 ekiponan partisipante lo bai ta enfrentando otro.

Lo bira weganan ku lo hunga den stadion Ato Boldon na Couva Trinidad & Tobago.

Aki lo bai ta den kompetensia e ekipo di kas, W. Connection, Atletico Pantoja di Repúblika Dominikana, Arnette Gradens for di Jamaica i Real Hope den representashon di Haiti.
Banda di rèfri Ricangel de Leca, tambe lo ta presente pa dirigí, e rèfrinan Juan Gabriel Calderon di Costa Rica, Reon Radix for di Grenada, Gladwyn Johnson di Guyana i Fernando Hernandez Gomez di Mexico.

Pues un biaha mas, Riky de Leca, yamá pa aktua internashonalmente, miéntras ku esnan di Kòrsou ku ta riba lista, no ta bin na remarke.