E la rekupera hopi prome ku tabata di spera....

Jurgen Locadia a train ayera ku su ekipo nobo

268
Jurgen Locadia.
INGLATERA—Tur kos ta indiká ku e atakante Jürgen Locadia, pronto lo bai ta den akshon den Premier League, ku ta e divishon máksimo di futbòl na Inglatera. Un ke otro ku su ekipo nobo, Brighton & Hove Albion. Locadia, tabata ku PSV den Eredivisie na Hulanda i a bira e hungadó ku mas e ekipo ingles, a paga p’e den nan historia.

Tabata ayera, ku pa promé biaha Jurgen tabata riba tereno i a partisipá na un sekshon di práktika ku su ekipo nobo.

Tabata dos siman pasá ku e kambio a tuma lugá, ora ku Locadia a bai Inglatera, pa 16 mion Euro, unda e la firma un kontrato pa 4 aña i mei, ku e ekipo ku aktualmente ta na di 15 lugá den Premier League.

E atakante tabata den akshon último biaha riba dia 10 desèmber, ku ta kasi 2 luna pasá, unda el a skur su hamstring, durante di e wega unda PSV tabata enfrentando Ajax, den e klèsh na Hulanda.

Miéntras tantu tabatin pensamentu na Inglatera, di lo por konta ku Jurgen Locadia, te ku fin di luna di febrüari.

Su rekuperashon a sorprendé nan, unda for di ayera por a mira e hòmber ku mester bai sòru pa e golnan pa nan riba tereno.

Pa e wega di mañan ta poko prematuro pa Locadia por mira akshon, debí ku tambe e tabata mas ku 6 siman for di rutina di wega. Si tur kos kana bon, lo e ;por hasi su debut kontra di Stoke City, den wega ku ta programá pa hunga riba djasabra dia 10 febrüari benidero.