Asistente riba lista di FIFA pa Kòrsou

Sam Hye den ‘Concacaf Caribbean Club Championship’ na RD

186
Sam Hye.
WILLEMSTAD—Despues ku rèfri yu di tera Ricangel ‘Ricky’ de Leca, kende ta riba lista di FIFA komo rèfri pa Aruba a dirigí na Trinidad & Tobago, awor e asistente for di Oropa, kende ta riba lista di FIFA pa Kòrsou, Sam Hye, lo ta parti di e kuerpo di arbitrahe pa dirigí na Repúblika Dominikana.

Esaki den weganan bálido pa Grupo B di “Flow Concacaf Caribbean Club Championship 2018”, ku lo tuma lugá entrante mañan djarason dia 7, te ku djadumingu benidero, dia 11 febrüari 2018, na Santiago na Repúblika Dominikana. Ta trata di weganan ku lo mira akshon den stadion ‘Estadio Cibao’, unda 4 ekipo lo ta kompetiendo.

Esakinan lo ta Atlantico FC (Repúblika Dominikana), Central FC (Trinidad & Tobago), Portmore United (Jamaica) i Racing FC (Haiti).