Pa yuda su ekipo gana 6-0 den futbòl na Chipre

Boy Deul ku 3 gol den 9 minüt ayera

235
Boy Deul.
CHIPRE—E futbolista Boy Deul tabatin un hattrick pa su ekipo ayera. Un ke otro den futbòl na Chipre, na momentu ku huntu ku su ekipo Pafos FC, nan a enfrenta e ekipo di Aris Limassol, a logra triunfo pa goliada, ku skor di 6-0.

E 6 golnan di e enkuentro, a keda repartí den 3 den kada mitar di partido, unda tambe den kada parti di e enkuentro, tabatin futbolista ku hattrick.

E parti inisial tabata pa e kompañero di ekipo di Boy Deul, kende ta Daniel Sikorski, ku a anotá na minütnan 18, 34 i 42, pa su ekipo sosegá den bentaha di 3-0. Tur esaki unda ku Boy Deul ainda tabata na banki komo suplente.

Durante di sosiegu a bin kambio, unda Boy Deul a subi tereno di wega i asina a hunga e parti komplementario kompletu.

Faltando 9 minüt pa final, e ta sa na oumentá e bentaha na 4-0, pa seguidamente hasi e partido 5-0 na minüt 84 i ta kompletá e 6-0, den pitu, na minüt 90. Pues den apénas 9 minüt, kual tabata e último 9 minütnan di e partido, Boy ta sa na kompletá su hattrick.