Denzel Dumfries ku gol i un asistensia den kousa pèrdí

E futbolista arubano

481
Denzel Dumfries.
HULANDA—E futbolista di Aruba, Denzel Dumfries, kende ta militá den e ekipo di SC Heerenveen den Eredivisie na Hulanda, tabatin un gran aktuashon ayera, den kousa pèrdí.

Un ke otro na momentu ku tereno di bala di stadion MAC3PARK, ku bishita di 12.920 fanátiko, tabata esenario pa enkuentro, unda nan a topa ku e ekipo di PEC di Zwolle.

Despues ku Denzel Dumfries i su ekipo SC Heerenveen tabata atras 2-0 na sosiegu, nan ta bin kai vensí 3-2, na man di PEC.

Denzel a anotá na minüt 69 di wega, pa deskontá 1-2, despues ku nan tabata atras 0-2. Un ratu despues nan kontrinkantenan ta bolbe amplia e bentaha, promé ku Denzel hasi un pase pa su kompañero anotá i bolbe kòrta e desbentaha na 2-3, na di 80 minüt di wega.

Tur esaki promé ku faltando 5 minüt pa final, e risibí karchi hel, despues di un falta brutu kometé. Denzel Dumfries a hunga kompletu ayera den kousa pèrdí.