Lutsharel Geertruida huntu ku Feyenoord pa oktavo final

Kompetensia pa loke ta kategoria U-19 den ‘UEFA Youth League’

448
Lutsharel Geertruida.
SLOVAKIA—E organisashon di futbòl hulandes, Feyenoord, su ekipo U-19, ku ta konta ku Lutsharel Geertruida, a logra triunfo pa asina keda den e lucha pa loke ta ‘UEFA Youth League’.

Un ke otro ayera na Slovakia, unda nan a logra e pase pa oktavo final, despues di logra triunfo ku skor di 3-2 riba e ekipo di FC Nitra, ku a hunga na kas. Tabata den minütnan di deskuento, na momentu ku un i tur tabata wardando e pitaso final, ku e ekipo hulandes ta anotá e gol di triunfo.

Feyenoord a keda na segundo puesto den Grupo F di e parti inisial di e kompetensia, kual tabata 4 punto tras di Manchester City, pero riba Sjachtar Donetsk i Napoli.

Esaki tabata motibu di un playoff pa asina buska e pase pa e siguiente buèlta, kua nan a logra ayera, ku e hóben Lutsharel Geertruida, komo parti di e ekipo ganadó.

E próksimo buèlta, lo kontinuá riba fechanan 20 i 21 febrüari próksimo, unda ainda e kontrinkante di Geertruida i su ekipo, no ta konosí..