Nolan Ryan tin rèkòrt kasi imposibel pa kibra

411
Nolan Ryan tin algun rèkòrt ku ta difísil pa kibra.
TEXAS,– E eks picher Nolan Ryan kende ta keda konsiderá komo un di e mihó pichernan di tur tempu, tin algun rèkòrt ku ta kasi imposibel pa kibra.

Nolan Ryan kende a hunga beisbòl na e nivel máksimo mas ku 20 aña, tin 2 rèkòrt ku probablemente lo no wòrdu kibra den próksimo añanan. E picher aki a logra yega un kantidat di 5714 ponche tirá den su karera.

Di otro banda e Ryan a tira un total di 2795 base por bola den su karera komo picher. Pa loke ta trata pichernan ku a yega serka di Ryan tabata Randy Johnson ku tabatin 4875, miéntras Roger Clemens ta siguié  ku 4672.

E úniko picher aktual ku ta mas serka di Ryan ta Sabathia ku tin un total di 2846 ponche tirá. Pa loke ta trata base por bola tirá, niun picher no a logra tira mas ku 2000 base por bola den nan karera ainda.