Den ménos ku kuater ora fugitivo arestá

Prezu ku a hui fo’i Barber tirá riba Seru Fortuna

5853
Willemstad— Despues di un búskeda polis ta logra di tira un presu ku  un ratu promé a hui for di e warda di Polis na Barber.

Tabata den oranan di atardi ku un Prezu  Alejandro Ursulita a mira e chèns pa kore Sali for di su sel na Barber i a hui bai. Esaki por a sosodé debí ku no a lòk su sel bon i tambe e porta ku ta bai na e cellencomplex tabata habri. Mesora a kuminsá ku un búskeda masal i ya tabata na altura ku e ta biba riba Seru Fortuna. No a dura masha ku Polis a haña e informashon ku e fugitivo tabata moviendo den kaya Yobida.

Respòns tim huntu ku e tim di Mantenshon di Órden Públiko mesora a subi seru i no a dura masha ku a señalá e sospechoso kual na momento di a tuma nota di polis den vehíkulo partikular a trata di kore bai. E polisnan mesora a los tirunan dirigí pa kual dos di nan mester a alkansá e sospechoso. Mesora e la keda transportá pa Poli na unda e la keda interná bou di vigilansha.