Mgr Wim Ellis i Emmy Berthold ku triunfo

Den kontinuashon futbòl eskolar

351
WILLEMSTAD—E kompetensia di futbòl eskolar organisá pa FDDK, bálido pa aña eskolar 2017/2018, a kontinuá ayera. Tabatin 2 diferente partido ku a mira akshon. Ámbos a tuma lugá riba tereno di FFK na Brievengat i tabata bálido pa e kompetensia di skolnan básiko.

Den kategoria femenino tabata e ekipo di Mgr Wim Ellis ku a suta e ekipo formá pa alumnonan di e skol Ellis Juliana, sin kompashon, pa blankeo, ku skor di 12-0.

Seguidamente den kategoria pa ekiponan maskulino, tabata e ekipo di Emmy Berthold, ku ta gana di International School, tambe fásilmente pa blankeo, ku skor di 4-0.

Un ke otro, despues ku tabatin 4 enkuentro programá pa mira akshon i solamente 2 partido a mira akshon.