Oportunidat pa biaha pa Bahamas pa Carfita Games

Huntu ku e delegashon lokal

291
WILLEMSTAD—Preparashonnan pa Carifta Games, ku lo tuma lugá na Bahamas ta den andando. Relashoná ku esaki, ta hibando preparashonnan intensivo, pa asina ta debidamente prepará i tambe hasi un bon papel, sakando kara di nos isla.

Pa esaki bira posibel ta trahando tantu riba, komo pafó di pista i tereno di kompetensia. Tur esaki unda inkluso ta trahando riba paketenan unda fanatikonan di deporte, lo por kompañá e delegashon i presensia e diferente kompetensianan, animando nos representantenan.

Un ke otro unda tin algun lugá liber, pa asin esun ku ta interesá tambe hasi e biahe pa Bahamas, kompañando i sosteniendo nos hóben deportistanan i atletanan miembro di e delegashon ku lo kompetí na Bahamas.

E delegashon lokal, di Carifta Games Bahamas 2018, ta programá pa sali pa Bahamas, dia 29 mart 2018 i lo regresá Kòrsou, riba dia 3 aprel 2018.

Tin e posibilidat pa bai ku algun fanátiko, unda esnan promé, lo por sigurá i konfirmá nan biahe.

Ta trata aki di un biahe, ku preisnan di tantu 2 komo 3 persona huntu den un kamber.

E último fecha pa por paga e tíket i asina hasi e biahe ta dia 15 febrüari próksimo, miéntras ku  mester kumpli ku e restante pa dia 28 febrüari 2018.

Por depositá riba kuenta di CAB na MCB 278.960.04.

Pa kualkier informashon adishonal, por tuma kontakto ku ‘Head Delegate’, kende ta Vanesca Laker, na telefon 522-5576 of Sherrylene Bonavacia, na telefon 513-9700.

E pakete pa 2 persona den kamber ta kosta Nafl. 2.366,=, miéntras ku pa 3 persona den kamber, kada unu lo paga Nafl. 2.275,=.

Esakinan ta inkluí tíket, hospedahe, pakete pa stadion, maleta i transporte aeropuerto/hotèl/aeropuerto.