Nan di 22 triunfo konsekutivo na kas

PSV i trio di nos ta pone rèkòrt nobo ku triunfo

284
Joshua Brenet.
HULANDA—E trio di nos ku ta hunga den Eredivisie di futbòl hulandes ku PSV, a logra un triunfo mínimo ayera na kas ku nan ekipo. E úniko gol di wega a wòrdu anotá durante di e parti inisial di e partido.

Un ke otro den stadion Philips, na momentu ku nan a enfrentá e ekipo di Excelsior i a pone un rèkòrt nobo. 32.100 fanátiko a akudí na e stadion di PSV ayera, pa mira e partido aki, unda Joshua Brenet a hunga kompletu pa e ekipo di kas.

Kiper Eloy Room i a hóben defensor Armando Obispo tabata na banki komo suplente, sin a logra pa por mira akshon den e partido. Brenet inkluso a risibí un karchi hel, den wega ku a nifiká e di 22 triunfo konsekutivo ku e ekipo di kas ta logra optené den un kompromiso ofisial di Eredivisie den stadion Philips.

E último ekipo hulandes ku a logra punto for di PSV den nan kas, den un partido ofisial, ta FC Twente, den wega ku a hunga dia 5 novèmber di aña 2016.