Accidente cu basta daño material den area di Madiki 

138
ORANJESTAD(AAN): Diadomingo algo pasa di 4 or di marduga a sosode un accidente na altura di Madiki y cu basta daño material.

Na yegada di polis a bin constata cu un chauffeur femenino di un auto Nissan March blauw ariba e caminda di Weststraat bayendo direccion noord no a paga tino na e cruzada di Weststraat cu Proffessor Lorentzstraat. Asina a bay dal contra otro auto Hyundai color cora cu tabata ariba e caminda di preferencia. Na e impacto ambos auto a dal media vuelta y e Nissan March color blauw a bolter algun meter despues.  Polis a wak e chauffeur femenino di e auto blauw a resulta herida y a solicita ambulance mesora pa e dama wordo transporta pa hospital. Ta sospecha cu e señora lo tabata bou influencia pero mirando cu e ta herida a bay cune pa un chekeo medico cu ta prioridad e momento ey. Cu takelwagen mester a bolter e auto bek ribasu wielnan.