Djasabra último riba tereno di Bonam

Kòrsou ta keda kòrtiku kontra Repúblika Dominikana den rugby

137
E ekipo lokal di Rugby.
WILLEMSTAD—E ekipo maskulino rugby lokal, a keda kòrtiku djasabra último. Esaki den wega ku nan a enfrentá e ekipo nashonal di Repúblika Dominikana, riba tereno di Bonam.

Tabata wega unda ku e ekipo lokal, ku un triunfo, lo tabatin chèns pa promové i pasa pa e siguiente temporada pa posibel klasifikashon pa kampionato mundial.

Tabata partido di regreso, despues ku aña pasá Repúblika Dominikana a logra gana den pitu. Miéntras tantu, djasabra último kosnan un biaha mas no a bai bon pa nos ekipo.

Un ke otro, unda apesar di tabata poko mas eksperenshá i por a konta ku algun refuerso, Kòrsou mester a konformá ku e derota.

E wega, ku a hunga riba tereno den bario di Bonam, a finalisá ku skor di 46-17, pa e ekipo bishitante. Primeramente tabatin ekiponan hóben i gruponan femenino praktikando e deporte.