Hóben di 20 aña ku kier a bai studia afó gará ku droga

325
WILLEMSTAD,– Korte den promé instansia a trata un kaso ayera unda e sospechoso R.E. di 21 aña a presentá pa responsabilisá su mes di un echo kastigabel.

E sospechoso kende a presentá ku su abogado mr. Rooijer unda el a atmití di tabatin droga den su poseshon. Tabata 18 di òktober aña pasá ku mester a detené e sospechoso rumbo pa Hulanda, despues ku a saka tur kos for di su tas di lomba, pero a nota ku ainda esaki ta pisá.

Despues di hasi algun kontròl mas intensivo a bin saka afó ku e sospechoso tabatin droga furá den su tas. El a bisa di tabata bai studia na Hulanda, unda tambe el a atmití tur su kulpabilidat nan. Fiskal a bisa di ta haña e sospechoso hopi yòn, pues lo no pidi pa e bai prizòn bèk.

El a hasi un petishon di 12 luna kondishonal, ku 3 aña di prueba miéntras tambe lo e mester sigui guia di reclassering i traha 240 ora boluntario. Wes a bisa di ta haña e petishon ta kuadra i a honra esaki.