No a notifiká sospechoso na tempu pa presentá na korte pa su kaso

No a notifiká sospechoso na tempu pa presentá na korte pa su kaso

143
WILLEMSTAD,– Djárason último korte mester a trata vários kaso penal, unda esakinan a keda posponé.

E sospechoso I.B. di 24 aña mester a presentá, unda e no a presentá despues di un fayo di Ministerio Públiko. Esaki despues ku fiskal no a notifiká e sospechoso na tempu, ku e mester presentá na korte pa e tratamentu.

E sospechoso a keda representá pa su abogado mr. Loth, unda e ta keda sospecha di un kaso di ladronisia. Ta trata aki di un kaso di ladronisia ku mester a hòrta Lèptòp, telefòn, televishon i tambe Ipad for di e víktima di fam M.

Esaki a tuma lugá 31 di ougùstùs 2016, unda e sospechoso lo mester a hasi su mes kulpabel di e echo aki. A posponé e kaso pa tempu indefiní, unda lo mester notifiká e sospechoso trempan pa e presentá.