(SIGUR DI MI MES, KONFIANSA DEN MI MES, KONFIANSA DEN E ORGANISASHON)

POLIS A STOP DI KARGA SU RESPONSABILIDAT PA MOTIBU DI INSEGURIDAT

245
HOPI POLIS TA INSIGUR DEN NAN FUNSHONAMENTU I TA PREFERA DI NO HASI NADA PA NO HASI KOS ROBES I PERDE TRABOU.
Willemstad—–E polis no ta sinti ku e tin wesi lomba. E situashon for di 10.10.10 a krea espasio pa e polis sintié hopi insigur den su funshonamentu. Nos tin un kuerpo mitar estilo bieu i mitar estilo nobo, kaminda nos ta apliká algun kosnan di e “inrichtingsplan” i algun no.

Siendo ku e lei nan vigente ta rechtspositie di ana 2000 I politie regeling di ana 1999. Pero ta apliká algun kosnan nobo sin ku nan tin un base Legal i sin ku nan ta sostené pa lei. E polis ku ta bon  na altura di esaki a bira ku e no ta tuma niun desishon. Tur kos ku pasa e polis ta bisa yama e hefenan. Trahamentu sigur i aplikando eksperensia no ta tuma lugá mas. Paso e polis no ke hasi nada robes pa e pèrdè su pan.

Debí na esaki, tim di maneho outomátikamente no por funshoná tampoko paso diariamente nan ta bezig ku e trabou den ehekushon paso e “midden kadder” no ta funshonando .  Esaki ta konsekuensia di no tin e “juiste man op juiste plaats” i nombramentu di hende nan no kualifiká riba diferente puesto. Tin diferente hende no kualifiká riba diferente puesto debí ku a tarda hopi pa implementá e “intichtings plan” i su leinan. Esei a trese kuné ku diferente persona ku a wòrdu buta pa un ratu na un posishon a “claim” esaki ora 3 aña a pasa.

E situashon aki tambe ta buta ku tin un grupo di polis ta “zwijg” pa mantené nan puesto, debí ku nan no sa kontenido ni no tin e preparashon di e funshon. Pa e motibunan aki tambe Kuerpo polisial Kòrsou no por funshoná kompletamente profeshonal. E situashon aki no por sigui. E polis no ta sinti ku e tin wesi lomba.