Zita a kuminsá kita propaganda pa loko kant’i kaminda

4121
Willemstad,– Minister di Tráfiko, Transporte i Planifikashon Urbano (VVRP) a anunsiá algun tempu pasa ku konforme e lei di Òrdu Públiko (Landsverordening Openbare Orde (LOO)), ku a drenta na vigor dia 1 di ougùstùs 2015, ta prohibí pa pone bòrchi òf otro ophetonan di propaganda komersial den, riba, kantu di, òf visibel for di kaya públiko sin un pèrmit i/òf  eksonerashon di Minister di VVRP.

Minister di VVRP, Zita Leito, e tempu ei a bisa ku ta bai kumpli dentro di poko ku su obligashon di aktua kontra bòrchinan òf otro ophetonan di propaganda komersial den, riba, kantu di, òf visibel for di kaya públiko sin un pèrmit i/òf eksonerashon.  Minister di VVRP a anunsiá su obligashon pa aktua por eskrito i asina hasi konosí kua bòrchi òf opheto di propaganda komersial mester kita. E minister e tempu ei a bisa ku personanan ta haña e oportunidat pa nan mes kita nan bòrchi òf otro opheto di propaganda komersial den un término stipulá.

Minister di VVRP lo kita tur bòrchi òf otro opheto di propaganda komersial ku no a ser kitá den e tempu stipulá riba kosto di e persona ku a violá e lei di Òrdu Públiko. Bou di ningun sirkunstansia Gobièrnu no ta responsabel pa dañonan na e bòrchi òf otro ophetonan di propaganda komersial ku ser kitá. Ayera pues a kita e promé bòrchinan i e doñonan lo por tuma e bòrchinan òf otro ophetonan di propaganda komersial ku ser kitá durante dos siman, na e lugá di depósito