Beibi morto hañá ta drif den riu na New York

2309
Sitio unda e kurpa sin bida a keda hañá.

ESTADOS UNIDOS – Outoridatnan polisial di New York ta buskando kontesta den e kaso di morto di un beibi di apénas 8 luna ku a keda hañá ta drif den East River, den un área sumamente popular pa turista i serka di e brùg di Brooklyn.

Outoridatnan ta investigando pa asina trata na determiná kuantu tempu e kurpa tabatin den awa promé ku e famia di turista a mira esaki den oranan di djadumingu atardi. Esaki pa motibu ku aparentemente e tabatin solamente un pèmper bistí. Tambe ta importante pa sa ken tabata e adulto enkargá di kuida esaki.

Tèstnan ku mester keda hasí lo determiná kon e beibi a muri. Outoridatnan a indiká si ku e kurpa no tabatin niun marka òf señal di trauma.

E famia ku a haña e beibi a indiká ku nan promé akto tabata di yama e number di emergensia di 911. Aki mesora a pensa ku tabata trata promé di un pòpchi, pero lamentablemente no tabata e kaso.

Esaki mesora a drenta awa tratando di kue e beibi i a kuminsá realisá reanimashon na esaki. El a indiká ku e beibi no tabata hala rosea i no tabatin señal di bida.

Outoridatnan polisial a yega algun minüt despues na e sitio i mesora a sera e sitio, unda a kontinuá ku reanimashon na e menor di edat. Esaki a keda trasladá pa un sentro médiko, unda no por a hasi nada mas pe i a deklar’é morto.

Ningun hende, mayor of tutor no tabata presente na e sitio.E lugá di hayasgo ta situá serka di South Seaport, na East River.