Awe e piesa nobo di Randy i Tsean ta na tur radio emisora lokal

102
“No Los” ta bai zona na diferente radio emisora.

WILLEMSTAD,—-Algun siman tras di lomba ‘E Mulina’, a bisa ku e popular kantante yu di Kòrsou ku ta biba i studia na Hulanda Quinthony “Tsean” Thomasa ta bai graba ku agrupashon musikal GENTZ TRE’CHIC, hopi hende a kere ku esaki no ta bèrdat.

Pero manera semper nos ta usa e dicho “Tempu ta e mihó maestro”. Ayera ‘E Mulina’, a haña informashon ku durante di dia di awe, e piesa nobo di Randy i Tsean lo ta na tur radio emisora lokal, pero tambe riba tur sistema di Internet.

Ta trata aki di un komposishon di Randy LeRoy i e areglo ta den man di Darrel “Titi” De Palm i Jerzho Martha, esaki ta básikamente e tim figo ku Randy ta trata kuné den ku produkshon nan. Esaki ta un bista di e plan ku Archel Calister ta trahando riba dje.

Na hopi okashon nos a bisa ku, mester tene hopi kuenta ku Archel Calister, paso e ta un persona ku no ta drumi riba e kos nan. Esaki ta loke ku ta hasi Archel su zèt nan hopi peligroso den nos farándula. Pues awe durante dia e piesa nobo titulá “No Los” ta bai kuminsá zona, nos a komprendé ku e piesa aki, ta bai pone hopi hende pensa so.