Dama i hòmber ta bolbe kometé atrako den establesimentu

465
Willemstad— E biaha aki polisnan mester a bai na un negoshi riba Seru Loraweg pa un kaso di atrako ku a ser kometé pa e mesun hòmber i e dama ku a hasi esaki un dia anterior den e bario di Steenrijk.

Tabata den oranan di mainta trempan ku dos suheto ku kara tapa di kual un di nan tabatin un revòlver den su man a kore drenta Seru Lora minimarket riba Seru Loraweg. Bou di menasa di e arma a pone e propietario i tambe un kliente ku tabata den establesimentu para ketu. A ordená e propietario pa saka delaster un sèn i duna nan unda por a mira kon e dama ku tabatin su kara tapa ku T-shirt tabata tuma e sèn i a para ku su santu pasenshi piki delaster un sèn larga bai kuné.

 

 

 

Despues di esaki nan a Sali kore bai for di e sitio. Polis tin dato di e posibel sospechosonan i lo no dura masha ku lo bai pone man riba nan. Tim di atrako a keda enkargá ku e investigashon.